Framhaldsnám í Tónskóla Sigursveins

Í Aðalnámsskrá tónlistarskóla – Tónfræðagreinar segir um framhaldsnám :

Framhaldsprófið markar lok almenns tónlistarskólanáms, og þá eiga nemendur að vera undirbúnir undir háskólanám í tónlist.
Miðað er við að hægt sé að ljúka náminu á 3-4 árum og er námið metið til eininga í ákveðnum framhaldsskólum. Þó verður að gera ráð fyrir að námstími í framhaldsnámi sé einstaklingsbundinn.
Kjarnagreinar í framhaldsnámi eru þrjár auk valgreinar:

- Hljómfræði – 2 ár
- Tónheyrn – 2 ár
- Tónlistarsaga – 2 ár
- Valgrein (t.d. tónsmíðar, útsetningar, framhaldsáfangi í hljómfræði, djass-og dægurlagahljómfræði, kontrapunktur eða formfræði – 1 ár)

Heildarkennslustundafjöldi í hverri tónfræðagrein er að lágmarki 1,5 klst. á viku í tvö ár (nema í valgrein er 1 ár)

Um innihald einstakra áfanga er vísað í Aðalnámskrá tónlistarskóla – Tónfræðagreinar og til kennara í kjarnagreinum við Tónskóla Sigursveins.

Nemendur ljúki námi í tónfræðagreinum eins og námsskrá gerir ráð fyrir áður en þeir taka framhaldspróf.
Taka þarf forpróf bæði fyrir F1 áfangapróf (6. stig) í hljóðfæraleik og fyrir framhaldspróf, a.m.k. einni önn áður en áætlað er að taka F1 eða framhaldspróf.
Ætlast er til að nemendur taki þátt í hljómsveitarstarfi skólans þegar við á og það gangi fyrir hljómsveitarstarfi utan skólans.
Ætlast er til að nemendur taki þátt í a.m.k. einu kammerverki á ári sem er flutt á tónleikum skólans.
Framhaldsnemendur þurfa að spila á vorprófi eða forprófi efnisskrá sem er u.þ.b. 10-15 mín. löng þá önn sem þeir taka ekki stigspróf.