Sinfóníuhljómsveit tónlistarskólanna

Sinfóníuhljómsveit tónlistarskólanna heldur tónleika í Langholtskirkju laugardaginn 28. janúar kl. 16.00.  

Almennt verð: 3500 kr. , Nemar, öryrkjar og eldri borgarar: 2000 kr. 

Efnisskrá:

G.F. Händel: Hörpukonsert í B-dúr op. 4 nr. 6

E. Grieg: Fjórir þættir úr Pétri Gaut, svítum 1 og 2

J. Brahms, úts. R. Meyer: úr sinfóníu nr. 1, 4. þáttur

J. Williams, úts. M. Story: Syrpa úr Harry Potter

Einleikari: Mahaut Ingiríður Matharel, harpa

Stjórnandi: Guðmundur Óli Gunnarsson

Sinfóníuhljómsveit tónlistarskólanna er samstarfsverkefni fjögurra tónlistarskóla á höfuðborgarsvæðinu, – Tónlistarskóla Garðabæjar, Tónlistarskóla Hafnarfjarðar, Tónlistarskóla Kópavogs og Tónskóla Sigursveins D. Kristinssonar

Markmiðið með starfi sveitarinnar er að veita þeim sem komnir eru áleiðis í tónlistarnámi þjálfun í að leika í fullskipaðri sinfóníuhljómsveit.

Árlega æfir hljómsveitin allar helgar í janúar og lýkur æfingaferlinu með tónleikum. Í ár taka 98 nemendur þátt í hljómsveitarstarfinu og koma fram á tónleikunum.